推荐预测：汉诺威平手抵玩

汉诺威射手薛迪杜卓特

叉足电噬奥斯纳贝克

德乙周六早场爆中游抢分大战，奥斯纳贝克主场恶斗汉诺威。阔别德乙8季嘅奥斯纳贝克今季升班之后，表现尚算不过不失，但自去年12月中开始，被其他球队摸清踢法后，已经9场不胜，汉诺威上轮因赛事延期多咗时间备战建立默契，今场有望反客为主，平手盘捧汉诺威。

奥斯纳贝克弱势主场曳

奥斯纳贝克由德丙升上德乙之后，季初表现一度让人惊喜，开季5战赢3场，但经过联赛漫长球季洗礼，奥斯纳贝克被列强摸清底蕴，喺去年11月尾嘅3连胜，球队一度出现升班希望之后，表现突然大幅下滑，由歇冬前一仗开始，直至上周联赛经停摆后重开，合共9场联赛不胜，接近5个月未开过斋。

奥斯纳贝克最大问题係防守唔掂，上述9战只有1场能够保持不失，总共失咗20球，即使主场出战亦不见得特别有利，近4场联赛主场只得1和3负，佢哋已经跌到第13位，未计周五成绩，实际上同尾3嘅韦恩只得2分差距离，与其话係中游分子，实际上都係已经捲入护级漩涡。

汉诺威上轮原本对特雷斯登，但因为对方有球员中咗新冠肺炎令球赛延期，变相令汉诺威多咗时间备战，建立默契，要知道咁耐冇踢，球员之间都需要时间练波夹吓，今次真係益晒佢哋。汉诺威今季作客成绩比主场更好，13战6胜1和6负，作客成绩排德乙第3，难得遇着主场表现麻麻嘅奥斯纳贝克，汉诺威平手盘真係超级抵玩。